အတ္တကင်းတဲ့ချစ်ခြင်းတရား

"အတ္တ" ဆိုတဲ့ အရာဟာ လူသားတိုင်းမှာ ရှိနေကြတာပါ..။ နည်းတာနဲ့ များတာပဲ ကွာမယ်ထင်ပါတယ်။ ဒါပေမယ့် အဲဒီ "အတ္တ" ဆိုတာက အတိုင်းအတာ တခုထိပဲ ရှိနေရင်တော့ ကောင်းတာပေ့ါလေ။ ကျမတို့ကိုယ်တိုင်လည်း အတ္တနဲ့မှ မကင်းနိုင်တာ ဒါကိုလည်း ၀န်ခံပါတယ်။ အတ္တ မရှိရင် မထားရင်တော့လည်း အကောင်းဆုံးပေ့ါ။ အတ္တ သိပ်ကြီးပြန်ရင်လည်း မိမိကိုယ်ပဲ ပြန်ထိခိုက်တာပဲလေ။ လူတစ်ယောက်ကို ချစ်လို့ပဲ ဖြစ်စေ၊ မုန်းလို့ပဲ ဖြစ်စေ အတ္တဆိုတာက တစ်ပါတည်း ကပ်ပါလာစမြဲပါ။

ဥပမာ....
ချစ်ခြင်းတရားဆိုတဲ့ အရာ..။ လူတစ်ယောက်ကို ချစ်မိပြီဆိုရင် အဲဒီလူရဲ့ အချစ်ကို ပိုင်ဆိုင်ချင်လာရော.... နောက်ဆက်တွဲ သူ့ကိုပါ ပိုင်ဆိုင်ချင်လာပြန်ရော...။ သူ့နဲ့ ပတ်သက်တာမှန်သမျှ ကိုယ်က ပိုင်ဆိုင်ချင်လာတာပေ့ါ။ အရာအားလုံးကို သူ့အတွက်မဟုတ်တော့ပဲ ကိုယ့်အတွက်ဆိုတဲ့ အတွေးနဲ့ ရယူလိုမှုတွေ ပါလာပြီလေ..။ သူ့ကိုယ့်ကို ပြန်မချစ်ရင် ငါတော့ လွမ်းရမှာပဲ၊ သတိရနေတော့မှာပဲ..။ သူကိုယ့်ကို မုန်းသွားရင် ကိုယ့်တော့သေရမှာပဲ၊ ၀မ်းနည်းရမှာပဲ ဆိုတဲ့ အတွေးတွေ...။ သူ့ကို ဆုံးရှုံးရမှာကို မခံစားနိုင်တော့တာ။ သူ့ကို ချစ်သလိုလိုနဲ့ အမှန်ကတော့ ကို့ကိုယ်ကို ချစ်တာပဲ။ ဒါဟာ လိုချင်တတ်မက်မှု၊ စွဲလမ်းမှု ဆိုတဲ့ "အတ္တ" တွေပဲလေ..။ ပူလောင်မှုတွေနဲ့ ချစ်ခြင်းမျိုးပေ့ါ။ ဒါက တချို့ ချစ်ခြင်းတွေပါ...။

တချို့ ချစ်ခြင်းတွေကတော့ ဒီလို မဟုတ်ပြန်ဘူး။ သူ့ကို ချစ်လို့ သူ့အတွက်ပဲ စဉ်းစားပေးတဲ့ ချစ်ခြင်းမျိုးပေ့ါ။ ကိုယ်သူ့ကို ချစ်တယ်... ဒီလိုပဲ သူ့ကို စိတ်ချမ်းသာစေချင်တယ်။ အရာရာ သူ့အတွက်ပဲ စဉ်းစားပေးမယ်၊ သူ ထိခိုက် နစ်နာစေမယ့် အလုပ်မျိုးကို ဘယ်တော့မှ မလုပ်ဘူး။ မပိုင်ဆိုင်ရလည်း နေပါစေ.. သူ ကျေနပ်နေရင်၊ ပျော်နေရင်၊ ကိုယ်လည်း ကျေနပ်တယ်၊ ပျော်တယ်လေ..။ သူ့ကို ကြည့်ပြီး ကိုယ်က ဘာလုပ်ပေးရ လုပ်ပေးရ ကျေနပ်နေတဲ့ သူမျိုးပေ့ါ။ အတ္တ ကင်းပြီး ပေးစပ်ခြင်းတွေနဲ့ ချစ်နေရတာကို ကျေနပ်နေတဲ့ အရာမျိုး၊ ပူလောင်မှုလည်း ကင်းတယ်လေ..။

ဒါဆိုရင် "အတ္တ" ဆိုတဲ့ အရာနဲ့ ချစ်ခြင်းတရားမှာ ဒွန်တွဲနေတတ်တာ လိုချင်တတ်မက်မှု၊ ပိုင်ဆိုင်ချင်မှုဆိုတဲ့ အရာတွေပဲ။ ဒီတော့ အဲဒီ အတ္တကို လျှော့နိုင်သမျှ လျှော့ပြီး နည်းနိုင်သမျှ နည်းအောင် ကြိုးစားကြည့်စေချင်တယ်။ အတ္တ နည်းပြီး ပေးစပ်မှုတွေနဲ့ ချစ်နိုင်မယ်ဆိုရင်တော့ ပူလောင်မှု ကင်းပြီး စိတ်ရဲ့ အေးချမ်းမှုကို ခံစားရမှာပါ။

တခြားတခြားသော "အတ္တ" များလည်း ရှိပါသေးတယ်။ ငါ့အတွက်၊ ငါ့မိသားစုအတွက်၊ ငါ့ဆွေမျိုးအတွက် ဆိုတဲ့ ငါ ဆိုတဲ့ "အတ္တ" ပေ့ါ။ "အတ္တ" တွေထဲမှာတော့ အဲဒီ အတ္တက အဆိုးဆုံးပဲလို့ ထင်မိတယ်။ ဘယ်သူတေတေ ငတေမာပြီးရောဆိုတဲ့ အတွေးနဲ့ ဘယ်သူ့အတွက်မှ ဘယ်သူ့မျက်နှာကိုမှ မထောက်ပဲ "အတ္တ" တွေနဲ့ ရှင်သန်နေကြတယ်။ ဂုဏ်သိက္ခာနဲ့ အရှက်တရား ကင်းမဲ့စွာ မျက်လုံးစုံမှိတ်ပြီး "အတ္တ" တွေနဲ့ ဆက်လျှောက်နေကြတယ်လေ..။

လူတစ်ဦးပေါ် တစ်ဦး ချစ်တဲ့ ချစ်ခြင်း တရားထက် တန်ဘိုးရှိပြီး မွန်မြတ်တဲ့ ချစ်ခြင်းတွေ များစွာရှိပါတယ်။ အဲဒီ ချစ်ခြင်းတရား အတွက်တော့ ပေးစပ်မှုတွေနဲ့ "အတ္တ" ကင်းတဲ့ ချစ်ခြင်းတွေဖြစ်စေချင်တာပေ့ါ။ ငါ ဆိုတဲ့ အတ္တကို မကြည့်ပဲ အများအတွက် အနစ်နာခံ ပေးစပ်ပြီး ချစ်ရဲတဲ့ ချစ်ခြင်းတရားတွေကို မျှဝေပေးစေချင်တယ်။ ဒါကြောင့် ကိုယ်တိုင်လည်း အတ္တကင်းတဲ့ ချစ်ခြင်းတရားတွေနဲ့ ချစ်နိုင်အောင် ကြိုးစားနေဆဲပါ..။

ခင်မင်လေးစားလျှက်
ဒဏ္ဍာရီ